Miss Universo 2008 a keda den persona di Dayana Mendoza di Venezuela. Miss Colombia Taliana Vargas a keda como runner-up. Miss Aruba Tracey Nicolaas a haci un bunita trabou mirando tur e cobertura di prensa y e commentarionan ariba internet for di Vietnam.

E partido di RCA y NEC di Nijmegen diaranson awor lo conta cu tres invitado especial cu ta 3 selecionado Hulandes cu a caba di hunga den Euro 2008. Bo tawata fanatico di Hulanda, awel bo no por keda afor di e evento aki! Ta trata di e delantero Dirk Kuyt, mediocampista Wilfred Bouma y defensor Andre Ooijer. Nan ta di bishita na Aruba y lo ta presente durante e partido di RCA y NEC y despues di partido pa parti autographo durante e VIP party na Aruba Entertainment Center. Caarchinan ta obtenibel na Oficina di AVB na Guillermo Prospero Trinidad. Pa mas informacion bishita e website di AVB. (www.avbaruba.aw )

Diaranson awor e Campeonan di Aruba RCA lo tin cu defende bandera di Aruba ora cu nan topa e ekipo di NEC di Nijmegen den Stadion Guillermo Prospero Trinidad na Dakota pa 8or di anochi. E ekipo di NEC lo ta jegando Aruba majan despues cu den fin di siman nan a gana e seleccion di Boneiro 13-0. RCA lo por gana NEC? Esey ta di wak diaranson awor! Wak bo no perde! Pa mas informacion check e website di AVB (www.avbaruba.aw)!

E solucion pa cu e problema di prijs di gasolin ta sinta serca e auto cu bo tin dilanti bo cas. E industria automotivo ta e industria cu tin cu cambia nan manera di pensa pa cu transportacion. Segun tin papia den e ultimo dianan aki hopi ta esnan cu converti nan auto pa core riba gas pero na Aruba e solucion mas valido ta electric vehicles.

E projecto titula "The Miracle" ta jega su fin na momento cu Antiyas ta perde cu Haiti cu anotacion minimo di 1-0. E dolor di full e asunto ta cu ta por medio di un autogol Haiti ta bin gana e partido. Haiti a demonstra si cu nan tawata e mihor ekipo ariba terreno y a sa di gana.
Nos di Aruba-Zone.com ta spera cu tur hende a goza di futbol y ta spera cu July proximo Aruba sali apoya pais Aruba mes ora cu Aruba su U-20 hunga na cas. Nos lo trece tur informacion di e torneo aki!

Awemainta durante un ceremonia matrimonial e music producer Timbaland ta bisa si na su comprometida Monique Iddlet ariba Renaissance Island na Aruba. Informacionan ta indica cu tin un gran cantidad di artista na Aruba cu ta invitado di e pareha. Confirma na Aruba ta superestrella Madonna, actor Vin Diesel, cantante Omarion y rapper Ice Cube. Durante dia lo nos hanja informacion ken tur ta presenta na Aruba!

Omarion recientemente a firma cu Timbaland pa asina Timbaland ta su main producer. Por confirma cu Omarion tambe ta di bishita na Aruba pa e ceremonia di enlance di matrimonio di Timbaland. Mas di e artistanan confirma na Aruba ta superstar Madonna, rapper Ice Cube, actor Vin Diesel y cantante Nelly Furtado. Keda pendiente pa mas informacion!

Sidney Ponson den su carera como pitcher den Grandes Ligas si a conoce un segundo opportunidad. Pa di tantisimo biaha e ta hanja un secundo opportunidad ora cu awe e ekipo di New York Yankees ta firma e pitcher Arubano.