Nos di Aruba-Zone a tuma nota di algo hopi great, Aruba tin hendenan cu curazon. E legendario Arubano Hildward Croes cu a traha na varios occassion cu artistanan grandi manera Chichi Peralta, Juan Luis Guerra y mucho mas, a tuma bao su encargo pa yuda 3 hoben cu ta forma parti di Baby Gone Boys y trecenan den e mundo carnaval cu Dushi Band. Baby Gone Boys a nace di un grupo di hoben di e bario di Dakota y despues cu nan a nota cu cosnan mey mey hubentud no ta bayendo bon nan a dicidi di dedica nan mes na musica pa por influencia e mentalidad mey mey hobenan. Baby Gone Boys ta sirbi como ehempel cu ora hobenan pone nan mes pa haci cosnan positivo, tin hendenan cu ta dispuesto pa yudanan. Pero no ta Hildward so, nos a tuma nota cu tin mas. Janiro Eisden a tuma nota di e hoben Jonathan Thiel yudando e den e Roadmarch Hubenil. Mas ainda Daddy Base y BMW Plus a yuda Jair Versprey den e parti infantil. Tin mas, tras di cortina tin mas. Pero nos kier a gradici di parti di e hobenan na esnan cu ta mas grandi, gewoon hopi thanks! Boso merece hopi elogio! Aruba tin hendenan cu curazon sigur, ta spera cu mas hende cu ta yuda nos muchanan. Nos sigur ta hanja falta di e Tumberito cu tin algun anja sin ta wordo organisa. Manera Janiro Eisden a pone: "Nos tin cu cuminsa pensa grandi." Aruba tin talento, nos mester cuminsa kibra frontera, jega Latino America, Merca, Europa! Tur esaki ta cuminsa na nos hobenan. Let's Start Thinking Big! Manera ta sonjo di Robert Jeandor y sigur di nos di Aruba-Zone a jega ora nos mira un Arubiano gana un Grammy Award como musico!
Awenochi cuminsando pa 6or na Centro di Bario Brazil lo ta tumando lugar e inscripcion pa Calypso y Roadmarch Contest 2007, cual porcierto ta e evento musical local mas grandi na Aruba. Durante e simanan tawatatin hopi speculacion kende ta esnan cu lo ta participando e anja aki. Nombernan manera Mighty Talent, Le Groove cu Anthoni Gario y Tony Mingo ta esnan cu mas a specula riba dje. Pero awe nos lo hanja sa cu siguransa ken ta participando. Aruba keda pendiente nos lo tin mas informacion asina cu esaki ta obtenibel!
Awenochi den Aruba Entertainment Center lo ta tumando lugar e Roadmarch Contest Infantil y Hubenil. Aruba completo ta ser invita pa bin presencia nos hobenan durante nan presentacion awenochi. E volgorde pa awenochi lo ta como lo siguiente:
Hubenil: 1. Solange Trimon 2. Marylou Hermans 3. Pierre Casser 4. Jonathan Thiel 5. David Brown
Asina ta Aruba bo ta keda invita pa bon bin pasa un anochi ameno hunto cu nos hobenan na Aruba Entertainment Center pa 7:30 di anochi. Entrada lo ta solamente 5 florin pa mucha y 10 florin pa hende grandi.
Pa nos sorpresa nos a bin topa cu e video special aki riba Youtube. E ta un video di e presentacion di DJ Sky di Miniteca Exide a duna pa habri e concierto di Wisin y Yandel na Valencia, Venezuela. E video aki ta presenta pa Den-e-sauce.com y Exide-Crew.com Mira con nos Arubianonan ta pone un tremendo ambiente mey mey di e hobenan na Valencia prome cu e concierto!
Cu hopi respet na un brother di nos di Aruba-Zone di tempo di basis school, DJ Sky!
Mey mey di un publico bastante grandi den Aruba Entertainment Center na Dakota, Aruba por a presencia e Calypso y Roadmarch Contest 2007 pa locual ta trata categoria Infantil y Hubenil. Ganadornan den e categoria infantil a keda como lo siguiente, como prome finalista y mas popular Queen Char cu Carnival Snake y como ganador absoluto Jair Versprey Mighty Buddy cu Carnival Pirates. Den e parti hubenil como prome finalista a keda den persona di Pierre Casser Mr. Platinum Boy cu su cancion It's Hot y como ganador absoluto a keda den persona di Jonathan Thiel Biggie Boy cu Move With Me. Tambe Jonathan a tawata e participante mas popular y ganador di e unico Calypso di anochi. Pabien na tur esnan cu a participa, ja cu manera nos por a tende di Nando Brown, "e muchanan a pasa pret!" Y esey ta conta. Spera awor cu bandanan musical por apoya e cantenan hoben nan aki den paradanan di mucha ya cu varios di e canticanan aki e anja aki tawata hopi bon! Pluimpje pa e muchanan!
*Nos di Aruba-Zone tin cu hala attencion di algo si cu ta molestiando nos pa hopi anja caba. Sonido! Hopi evento na Aruba ta conoce di un mal sistema di sonido, ta parce como si fuera na Aruba no tin ingeniero di sonido. Awe no tawata un excepcion. Senjores, nos tin cu sinja cu pa un show musical cai na agrado di esnan cu ta presencie e sonido mester ta bon. E tawata hopi laaf pa constantemente corta e participantenan pa asina drecha e sonido. Sonido mester wordo prepara prome cu e show cuminsa, si mester a laga Climaxxx toca mei ora mes, hacie! Nos di Aruba-Zone ta spera cu pa e sigiuente eventonan musical di Carnaval e sonido ta na un bon calidad. Paso no ta di awo, ta hopi tempo caba hopi hende ta hanja problema cu problema technico pa locual ta trata sonido.
Nos di Aruba-Zone a ricibi informacion cu durante e reunion di SAC diahuebs 11 di januari 2007 a tuma e desicion pa ahusta e premiacion di loke ta Calypso & Roadmarch Contest.
Despues di un dialogo pa a wak e posibilidadnan pa e ahustacion di locual ta trata e premiacion di Aruba su Calypso y Roadmarch Contest. E sumanan ta cuminsa cu ahustacionnan pa loke ta trata e contest 2007 y lo evalua con e resultado di esaki ta, pa asina sigui cu ahustacionnan pa loke ta trata e premiacion di Calypso & Roadmarch Contest di Aruba su Carnaval. Antes tabata paga un suma total na premio di Awg 34.000,00 y pa 2007 e lo bira Awg. 63.000,00. Mas di e premiacion aki cada participante cu bai final lo haya e suma di Awg. 300,00 pa cada cantante pa cada cancion cu bai final. Cada banda cu bai final lo haya e suma di Awg. 1.700,00.
Prijs pa entrada tambe lo haya un ahustacion y e lo bira Awg. 30,00 pa pre benta y Awg. 35,00 na porta.
Nos di Aruba-Zone tawata buscando informacion di e pelotero arubano Rayon Lampe kende a firma cu e equipo di Seatlle Mariners na 2003 y pa nos sorpresa nos a bin topa cu algo peculiar. Ta asina cu riba e website di Ebay nos a bin topa cu un bate na benta di e hungador arubano. Ta asina cu nos no por a ricibi mucho informacion di e pelotero arubano pero si nos a bin topa cu un bate cu e la usa den un wega cu ta na benta na e momentonan ki. Esaki ta increibel pero completamente berdad.
Nos di Aruba-Zone a tuma nota di algo hopi great, Aruba tin hendenan cu curazon.
Nos di Aruba-Zone tawata buscando informacion di e pelotero arubano Rayon Lampe kende a firma cu e equipo di Seatlle Mariners na 2003 y pa nos sorpresa nos a bin topa cu algo peculiar. Ta asina cu riba e website di Ebay nos a bin topa cu un bate na benta di e hungador arubano. Ta asina cu nos no por a ricibi mucho informacion di e pelotero arubano pero si nos a bin topa cu un bate cu e la usa den un wega cu ta na benta na e momentonan ki. Esaki ta increibel pero completamente berdad.
