Aruba tin un Campeon Mundial den Sarah-Quita Offringa cu ta keda na promer lugar den e torneo di PWA. Pabien Sarah, Aruba ta hopi orguyoso dibo!

Mas bon noticia den futbol local! Aruba ta logra clasifica den U-20 despues cu den Grupo B, Bermuda cu ta keda na di dos lugar cu 4 punto no tin mihor averahe di gol cu Aruba! Pabien na e seleccion di U-20 di Aruba cu awor lo tin di prepara pa na September enfrenta dos equipo den Caribe. Exito na e seleccion di U-20, awor nos a mira nos foutnan y ban traha pa gana na September proximo!

Aruba su seleccion nacional awenochi ta empata cu Antillas na cero aya na Stadion Ergilio Hato na Curacao. Aruba na prome instante no tawata di participa pero diabierna mainta AVB ta ricibi un jamada di CFU mirando cu Dominica lo no participa pa Aruba haci su esfuerso y viaha pa Curacao.

Awenochi enfrentando e ekipo rival di New York Yankees esta Boston Red Sox, Sidney Ponson no tawata den su mihor forma y ta perde su di dos partido di temporada y ta mantene un record na 6-2. Mirando cu deadline ta serca tur cos ta indica cu Yankees lo busca pitcher Jarrod Washburn y e futuro di Ponson cu Yankees ta mustra di ta den bullpen, cual lo ta algo cu mester ta habri pe. Nos lo keda pendiente pa mas informacion.

Check out Aruba's Social Network, www.dushitera.com! Un website nobo dedica na nos dushi isla Aruba. Bo por traha bo mesun profile, update bo potret, communica cu bo amigonan, laga commentario y mucho mas. Registra awor y participa na gana un Ipod Touch! So check it out, www.dushitera.com !

Ayeranochi den Stadion Guillermo Trinidad cu un publico acceptabel presente, Aruba ta bai cu un victoria sumamente importante di 1-0 riba e ekipo di Dominica.

Un avion di aerolinea Continental ta confrontando problema cu un banda di motor y lo bai haci un emergency landing na Aeropuerto Reina Beatrix. E avion ta conta cu un total di 182 pasahero. Nos lo keda pendiente pa mas informacion!

Awenochi den Guillermo Prospero Trinidad pa 8:30 di anochi e ekipo di Aruba lo enfrenta e ekipo di Dominica. Dominica den su prome salido ta empata cu Surinam den e ultimo minuut di partido. Bin apoya Aruba, awenochi Aruba mester saca un victoria!
E prome partido pa 6:30 di atardi lo ta entre Surinam y St Kitts.