|
Thursday, 17 July 2008 |
|
Ayeranochi Aruba ta cai venci contra e ekipo di St Kitts & Nevis cu score di 3-2. Aruba tempran ta cai atras ora cu na di 8 minuut caba Aruba ta perdi cu score di 2-0. Dos gol cu tawata pifia di defensa cu no tawata por a controla e pression di St Kitts tempran den e partido. Apesar di esey
Aruba ta bounce back y por medio di un bon pase di David Abdul ta David De L'isle ta bin anota e prome gol pa e ekipo di Aruba. Mirando asina cu e score ta serca Aruba ta hunga un mihor futbol pero pa motibo di dos caarchi geel ta Robert Ferdinand tin cu bandona partido y asina ta pone cu Aruba ta hunga cu 10 hungador.
Aki ta unda St Kitts ta pone pression y ta bin anota pa haci e partido 3-1 na nan favor. Aki ta unda Aruba ta bin hunga su mihor futbol di anochi cu 10 hungador asina mes ta bin pone hopi pression ariba St Kitts y ta David Abdul un biaha mas por medio di un cruze dilanti di gol ta hanja Markwin Ignacio pa asina haci e partido 3-2. Na dado momento a spera cu Aruba lo bounce back empatando e partido na 3 pero den e ultimo 10 minuut di partido e defensa di St Kitts & Nevis ta mantene posicion y ta stroba Aruba di anota e gol di empate.
Aruba su siguiente partido lo ta majan diabierna pa 8:30 di anochi ora cu nan enfrenta Dominica den un partido unda Aruba mester di un victoria. Caarchinan ta solamente Afl 10,- pa adulto y Afl 5,- pa mucha.
Bin apoya e seleccion di Aruba! Nan mester di bo apoyo! Diabierna, marca bo calender Aruba vs Dominica!
|
